Astana áýejaıynda iri kólemde sheteldik valıýta alyp ótpek bolǵan azamatsha ustaldy
ASTANA. 10 qańtar. QazAqparat - Astana qalasy boıynsha Kedendik baqylaý departamentiniń qyzmetkerleri elordanyń halyqaralyq áýejaıynan «Astana - Frankfýrt» halyqaralyq reısine kedendik baqylaý júrgizý kezinde S.E. degen Qazaqstan Respýblıkasynyń azamatshasyn ustady.
Astana qalalyq Kedendik baqylaý departamenti baspasóz qyzmetiniń málimetterine qaraǵanda, kedendik rásimdeý kezinde atalmysh azamatsha ózinde 12 myń AQSh dollary somasynda shetel valıýtasy bar ekendigin aıtqan. Alaıda teksergen kezde 20 myń 300 eýro, 1 myń 354 AQSh dollary, 5 Qytaı ıýani men 40 myń 400 teńge somasyndaǵy shetel jáne ulttyq valıýta bary anyqtaldy.
Atalmysh azamatshaǵa qatysty QR QK-niń 209-baby 1-bólimine (ekonomıkalyq kontrabanda) sáıkes qylmystyq is qozǵaldy.
