Astana áýejaıynda bomba izdestirilip jatyr, onyń aýmaǵy qorshaýǵa alyndy
ASTANA. QazAqparat - Astana qalasynyń áýejaıynda bomba qoıylǵan degen sýyt habarǵa baılanysty jedel izdestirý sharalary júrgizilip jatyr, dep habarlaıdy QR ІІM Kóliktegi ІІD-iniń baspasóz qyzmetinen.
«6 tamyzda saǵat 09.08-de Astana qalasynyń áýejaıynyń anyqtama qyzmetine jarylǵysh zat qoıylǵany týraly telefon arqyly habar kelip tústi. Anyqtama bıýrosy qyzmetkeriniń sózine qaraǵanda er adam qońyraý shalyp, «áýejaıda jarylǵysh zat bar» dep tutqany qoıa salǵan. Oqıǵa ornyna jedel top shyqty. Aýmaq qorshaýǵa alyndy. Adamdar qaýipsiz jerge shyǵaryldy. Jedel-izdestirý sharalary júrgizilip jatyr. Bul úshin tıisti qyzmet ókilderi tartyldy. Olardyń ishinde kınologııalyq qyzmet te bar», delingen habarlamada.
