Astana áýejaıynda birneshe reıs toqtatyldy
ASTANA. QazAqparat – Elorda áýejaıyna ushyp keletin de ushyp ketetin de birneshe reıs ýaqytynan keshiktiriledi, dep habarlaıdy QazAqparat tilshisi.
Áýejaıdyń resmı saıtyndaǵy onlaın-tablo derekterine sáıkes, búgin elordaǵy ushyp keletin Petropavl, Qostanaı (2 reıs), Taldyqorǵan, Aqtaý, Pavlodar, Aqtóbe, Phýket, Erevan baǵytyndaǵy ushaqtardyń keshigetindigi kórsetilgen. Sondaı-aq Almatydan kelýi tıis 4 reıs (Air Astana áýe kompanııasynyń 3, FlyArystan áýe kompanııasynyń 1 reısi) toqtatylǵan.
Al Astanadan Atyraý, Pavlodar, Aqtóbe, Erevan, Phýket baǵytyna da ushaqtardyń qashan ushyp shyǵatyny belgisiz.
Onlaın-tabloda Almaty baǵytynda da 4 reıstiń (Air Astana áýe kompanııasynyń 3, FlyArystan áýe kompanııasynyń 1 reısi) toqtatylǵany kórsetilgen.
