Astana áýejaıynda balaǵattap dórekilik kórsetkeni úshin er adamdy 100 AEK kóleminde aıyppul tóleýge mindettedi
ASTANA. 30 sáýir. QazAqparat - 2013 jylǵy 8 qańtarda Astana áýejaıynda polıtsııa qyzmetkerleri mas kúıinde qoǵamdyq tártipti buzyp, jolaýshylardyń mazasyn alǵany, balaǵattap, dórekilik kórsetkeni úshin M.T.Rysqalıevti ustady.
Ustaý kezinde ol Astana áýejaıynda qyzmet babyndaǵy jelilik polıtsııa bólimshesiniń qyzmetkerlerin jurttyń kózinshe balaǵattap, dórekilik tanytqan.
Astana qalasy Esil aýdandyq №2 sotynyń 2013 jylǵy 20 naýryzdaǵy úkimimen M.Rysqalıev QR QK 1-bólimi 320-babynda kózdelgen qylmys jasaǵany úshin aıypty dep tanylyp, 100 AEK mólsherinde aıyppul salyndy.
Sot úkimi zańdy kúshine endi, oǵan qarsylyq bildirilgen joq», - delingen Astana avıatsııa kóligi prokýratýrasy baspasóz qyzmetiniń habarlamasynda.
