Astana áýejaıynda áıeldiń 100 myń dollaryn alaıaqtyq jolmen ıemdengen er adam ustaldy
ASTANA. QazAqparat - 2015 jyldyń qazan aıynda Astana áýejaıyndaǵy jelilik polıtsııanyń kezekshi bólimine Almaty qalasynyń turǵyny shaǵymdandy.
Onyń aıtýynsha, 1969 jyly týǵan er adam Astana halyqaralyq áýejaıy aýmaǵynda onyń 100 myń AQSh dollaryn alaıaqtyq jolmen ıemdenip alǵan.
Atalǵan fakt boıynsha,kólik ІІD qyzmetkerleri QR QK 190 baby, 3 bólimi, 1 bólimshesi (Іri mólsherdegi alaıaqtyq) boıynsha sotqa deıingi tergeý amaldaryn bastady, dep habarlady kólik ІІD baspasóz qyzmeti.
Astana qalasy áýejaıyndaǵy jelilik polıtsııa bóliminiń qyzmetkerleri jedel-izdestirý sharalaryn júrgizip, 47 jastaǵy QR azamatyn ustady.
Sotqa deıingi tergeý barysynda iri kólemdegi alaıaqtyq jasady dep kúdiktelgen er adamnyń kinási tolyq dáleldendi.
Qylmystyq is Astana qalasy Esil aýdanynyń №2 sotyna jiberildi.
