Astana áýejaıynda avtomattandyrylǵan aqyly avtoturaq jumys isteı bastady
ASTANA. 11 qańtar. QazAqparat - 2013 jyldyń 11 qańtarynan Astana áýejaıynyń vokzal alańynda jolaýshylarǵa yńǵaıly bolýy úshin 378 oryndyq avtomattandyrylǵan aqyly avtoturaq jumys isteı bastady. Bul týraly Astana.kz saıtynan habarlandy.
Avtoturaqqa ýaqyt eseptegishimen qozǵalystardy beıneqondyrǵyda tirkep otyratyn avtomatty júıe ornatylǵan. Avtoturaqqa avtokólikti qoıǵany úshin aqy tóleý jolaýshylar termınaly ǵımaratynyń birinshi qabatyndaǵy kassalyq apparatta júrgiziledi. Budan bólek, áýejaı aýmaǵynda 130 oryndyq balamaly tegin avtoturaq ta bar jáne sodan bólek qoǵamdyq kólikter qozǵalysy burynǵy rejımde jumys jasaýyn jalǵastyrýda. Avtoturaqta múmkindigi shekteýli jandar úshin arnaıy oryndar de bólingen.
