Astana áýejaıynda 32 suńqardy zańsyz áketpek bolǵandar ustaldy
ASTANA. QazAqparat - Astana halyqaralyq áýejaıynda ornalasqan shekara baqylaý-ótkizý beketiniń shekarashylary arab jerine 32 suńqardy zańsyz jolmen áketýge tyrysqandardyń jolyn kesti.
Naqtyraq aıtqanda, «Astana-Sharjy» baǵytymen ushqaly turǵan G9-252 reısine júk tıeý jumystary júrgizilip jatqan kezde shekarashylardyń nazaryn qomaqty 4 sómke eriksiz aýdardy, dep habarlaıdy QR UQK ShQ baspasóz qyzmeti.
Álgi sómkelerdiń tirkeý japsyrmalarynyń joq ekendigi baıqaldy. Shekarashylar sómkelerdi ashyp, tekserý kerektigin talap etti. Al tekserý kezinde sómkelerden bir emes, baqandaı 32 dana suńqar shyǵa kelgende turǵandardyń tańdanysynda shek bolmady. Al qazirgi baǵamen olardyń ortasha qunyn eseptegende, artyq-kemi joq 380 000 000 teńgeden asyp jyǵyldy. Onyń ústine atalǵan jyrtqysh qustardyń álemde sırek kezdesetindigin de qosyp qoıyńyz.
Atalǵan derek boıynsha quqyq qorǵaý organdary habarlandyryldy.
