Astana áýejaıynda 15 reıs keshigýde
ASTANA. QazAqparat - Astanada «Nursultan Nazarbaev halyqaralyq áýejaıynda» 15 áýe reısi keshiktirilýde, taǵy altaýy múldem oryndalmaıtyn boldy, dep habarlaıdy QazAqparat tilshisi.
Elordalyq áýejaıdyń onlaın-taqtasyndaǵy málimetke sáıkes (astana ýaqytymen 2:16), kelesi reıster keshigýde:
Mınskiden Belavia B2 775, Aqtaýdan Air Astana KC 314, Jezqazǵannan Qazaq Air IQ 390, Londonnan Air Astana KC 942, Frankfýrttan Air Astana KC 922, Kıevten Ukraine In PS 533, Parıjden Air Astana KC 224, Almatydan Air Astana KC 851, sondaı-aq Almatyǵa ushyp shyǵýy tıis bolǵan Qazaq Air IQ 3580, Air Astana KC 642, Qazaq Air IQ 353, Qazaq AirIQ 355, Air Astana KC 852, Shymkentke Qazaq Air IQ 387, Aqtóbege Qazaq Air IQ 385.
Keshigý ýaqyty 20 mınýttan 12 saǵatqa deıin sozylýy múmkin.
Al kelesi baǵyttar boıynsha reıster múldem oryndalmaıdy: Almatydan keletin Lufthansa LH 649, Air Astana KC 853, Qazaq Air IQ 357, Frankfýrtqa ushyp shyǵatyn Lufthansa LH 649, sondaı-aq Almatyǵa barýy tıis bolǵan Air AstanaKC 854 jáne Qazaq AirIQ 358.
Buǵan deıin habarlaǵanymyzdaı , jeltoqsannyń 9-ynan 10-yna qaraǵan túni 9 reıs keshiktirilip, ekeýi oryndalmady.
«Áýekompanııalar reısteriniń keshiktirilý sebebi, qazirgi aýa raıy jaǵdaıyna baılanysty ushýlardyń qaýipsizdigi talaptaryna sáıkes Astana men Almaty qalalarynyń áýejaılarynda áýe kemelerin kóktaıǵaqqa qarsy óńdeýge baılanysty boldy», - dep túsinik bergen bolatyn jeksenbi kúni QR Investıtsııalar jáne damý mınıstrliginiń Azamattyq avıatsııa komıtetinen.
