Astana áýejaıyna jarylǵysh zat qoıylǵany týraly aqparat rastalmady

«Jedel-izdestirý sharalarynyń qorytyndysy boıynsha saǵat 10.56-da jarylǵysh zaty qoıylǵany týraly aqparat rastalmady. Barlyq jolaýshylar men kelýshiler termınalǵa kirgizildi. Astana qalasynyń áýejaıy shtattyq jumys rejimine kóshti. Іshki ister organdary jarylǵysh zaty qoıylǵany jóninde jalǵan málimet bergen tulǵany izdestirýde», dep habarlady Kóliktegi ІІD baspasóz qyzmetinen. Eske sala keteıik, 2015 jyly 6 tamyzda saǵat 09.08-de Astana qalasynyń áýejaıynyń anyqtama qyzmetine jarylǵysh zaty qoıylǵany týraly telefon arqyly habar kelip tústi. Oqıǵa ornyna jedel top shyqty. Aýmaq qorshaýǵa alyndy. Adamdar qaýipsiz jerge shyǵaryldy. Kóliktegi ІІD qyzmetkerleri arnaıy qurylymdarmen, sonyń ishinde kınologııalyq qyzmetpen birlesip áýejaı termınaly men oǵan tıesili aýmaqty tekserip shyqty.