Astana áýejaıyna Elbasynyń esimin berý oryndy sheshim
«Astana qalasyndaǵy halyqaralyq áýejaıǵa Elbasymyz Nursultan Nazarbaevtyń esimin berý máselesi jónindegi Úkimettiń qaýlysynyń shyqqanyn tolyqtaı qoldaımyz. Bul óte oryndy sheshim dep oılaımyn. Sebebi mundaı máseleler, bastamalar burynnan kóterilip kele jatqan bolatyn. Bul halyqaralyq tájirıbede de bar. Máselen Parıj qalasynda Sharl de Goll atyndaǵy, Túrkııadaǵy Atatúrik atyndaǵy, Nıý-Iorktaǵy Kenedı atyndaǵy áýejaılar bar», - dedi ol.
Onyń aıtýynsha, elimizdiń búgingi tańda osyndaı qarqyndy damýy, búkil álem elderiniń úıretýshi elden bizden úırenýshi elge aınalýy Elbasymyzdyń úlken eńbeginiń nátıjesi.
«Sol sebepten men muny tolyǵymen qoldaımyn. Al endi Astana qalasyna keletin bolsa, elordanyń halyqaralyq áýejaıy - Elbasymyzdyń tól týyndysy. Qazir biz táýelsizdigimizdiń 27 jyldyǵyna qaraı aıaq basyp kele jatqan kezde elimizdiń táýelsizdigi men Nazarbaev degen egiz uǵym ekendigin aıtýymyz kerek. Óıtkeni Elbasymyz Nursultan Nazarbaev Qazaqstannyń memlekettiginiń, Táýelsizdigimizdiń negizin qalady. Osy 27 jyldyń kóleminde elimizdi alǵa qaraı qaryshtap damytý baǵytynda óziniń sara saıasatymen orasan zor jumys atqaryp keledi. Qazir bizdiń ekonomıkamyz qaryshtap damý ústinde. Halqymyzdyń áleýmettik jaǵdaıy jaqsara túsýde. Máselen, keshe ǵana Parlament qabyldaǵan zeınetaqy men járdemaqyny kóbeıtý týraly Zańǵa Elbasymyz qol qoıdy», - dedi Qýanysh Aıtahanov.