Astana áýejaıyna 6 mıllıonynshy jolaýshy ushyp keldi
ASTANA. QazAqparat - Elorda áýe aılaǵy óziniń tarıhynda tuńǵysh ret bir jyldyń ishinde alty mıllıon jolaýshyǵa qyzmet kórsetti. Bul – rekord kórsetkish, dep habarlaıdy QazAqparat.
Búgin Nursultan Nazarbaev halyqaralyq áýejaıyna Aqtaý qalasynan kezekti reıs ushyp keldi.
Atalǵan reıstiń jolaýshylaryn aeroport ókilderi saltanatty túrde qarsy alyp, lototron kómegimen jeńimpazdy anyqtady.
Jolaýshynyń esimi - Tanzılıa Joldybaeva. Aqtaý qalasynyń turǵyny.
Alty mıllıonynshy jolaýshyǵa Air Astana kompanııasy áýejaı ákimshiligimen birlesip elordadan kez kelgen halyqaralyq baǵyt boıynsha eki bılet tabys etti.
Іs-sharaǵa «Nursultan Nazarbaev halyqaralyq áýejaıy» AQ basqarma tóraǵasy Dáýlet Hamzın, Azamattyq avıatsııa komıtetiniń tóraǵasy Talǵat Lastaev jáne «Qazaqstannyń avıatsııa ákimshiligi» AQ bas dırektorynyń orynbasary Saltanat Tompıeva qatysty.
