Astana áýejaıyna 2,1 mln. teńge kóleminde aıyppul salyndy
«QR Ulttyq ekonomıka mınıstrligi Tabıǵı monopolııalardy retteý jáne básekelestikti qorǵaý komıtetiniń Astana qalasy boıynsha departamenti «Astana halyqaralyq áýejaıy» AQ-ǵa qatysty básekelestikti qorǵaý salasyndaǵy zańnamanyń buzylýyna júrgizilgen tergep-tekserý nátıjeleri boıynsha básekelestik zańnamanyń buzylý faktilerin anyqtady», - delingen QR TMR jáne BQK-niń baspasóz habarlamasynda.
Áýejaıdyń ótpeli aımaǵynda qoǵamdyq tamaqtaný qyzmetin kórsetetin jáne tamaq ónimderiniń bólshek saýdasyn iske asyratyn naryq sýbektileriniń bólek toptaryna taýar men baǵalardy belgileý men ustap turýǵa ákelgen Astana qalasy áýejaıynyń ekonomıkalyq qyzmetti úılestirýinde zańbuzýshylyq baıqaldy.
Astana qalasynyń Mamandandyrylǵan aýdanaralyq ákimshilik sotynyń Qaýlysymen «Astana halyqaralyq áýejaıy» AQ-na 2 mln. 121 myń teńgeni quraıtyn 1000 AEK kóleminde aıyppul salyndy.
Qaýly zańdy kúshine enbedi.
