20:54, 14 Shilde 2023 | GMT +6
Astana áýejaıy jóndeý jumysyna baılanysty jolaýshylarǵa eskertý jasady
ASTANA. QazAqparat - Astana halyqaralyq áýejaıy ushý-qoný jolaǵyndaǵy jóndeý jumystaryna baılanysty jolaýshylarǵa eskertý jasady, dep habarlaıdy QazAqparat.
Astana halyqaralyq áýejaıynda 15 shildeden bastap 8 tamyzǵa deıin ushý-qoný jolaǵyn jyl saıynǵy jóndeý jumysy júrgiziledi.
Jóndeý jumystary kún saıyn saǵat 11:00-den 18:00-ge deıin jalǵasady.
«15 shilde men 8 tamyz aralyǵynda jolaýshylardyń áýejaıǵa erte kelýin jáne tirkeýden aldyn ala ótýin suraımyz. Ushý kestesin túzetýden týyndaǵan jolaýshylar aǵynynyń ulǵaıýyna baılanysty áýejaıda jolaýshylar keptelisi bolýy yqtımal» dep eskertedi áýejaı ákimshiligi.
