Astana áýejaıy janarmaı satatyn kezde ártúrli baǵa belgilep, báseke zańnamasyn buzǵan

NUR-SULTAN. QazAqparat - Básekelestikti qorǵaý jáne damytý agenttiginiń Nur-Sultan qalasy boıynsha departamenti eldiń ótinishimen 2020-2021 jyldar aralyǵynda Nur-Sultan qalasynyń shekarasynda avıatsııalyq otyndy bólshek saýdada ótkizý naryǵyndaǵy básekelestiktiń jaı-kúıine taldaý jasady, dep habarlaıdy QazAqparat.

Avıaotyndy bólshek saýdada ótkizý naryǵyndaǵy taldaý qorytyndysy boıynsha «Nursultan Nazarbaev halyqaralyq áýejaıy» AQ is-áreketinde naryq sýbektilerimen máni birdeı kelisimderge ártúrli baǵa qoldaný bóliginde Qazaqstannyń básekelestikti qorǵaý salasyndaǵy zańnamasyn buzý belgilerin anyqtady.

Osylaısha, «Nursultan Nazarbaev halyqaralyq áýejaıy» AQ avıatsııalyq otyndy satý naryǵynda domınant bola otyryp, monopolııaǵa qarsy zańnamany buzýǵa jol bergen.

Básekelestik zańnamasyn buzýdyń anyqtalǵan belgileriniń negizinde Nur-Sultan qalasy boıynsha monopolııaǵa qarsy departament 2022 jyldyń 16 maýsymynda «Nursultan Nazarbaev halyqaralyq áýejaıy» AQ-ǵa qatysty avıaotyndy bólshek saýdada ótkizý kezinde naryq sýbektilerimen máni birdeı kelisimderge ártúrli baǵalardy qoldaný jónindegi is-qımyldy toqtatý talabymen habarlama shyǵardy.

«Nursultan Nazarbaev halyqaralyq áýejaıy» AQ habarlamany nazarǵa alyp, departamenttiń zańdy talaptaryn oryndady.

Naryq sýbektisiniń baǵa jaǵdaıynyń aýytqýyna qatysty is-áreketteri túpkilikti tutynýshy úshin baǵanyń ósýine, onyń ishinde áýe tasymaldarynyń baǵasyna áser etedi.