Astana áýejaıy ushý kestelerin ýaqytsha ózgertedi
ASTANA. QazAqparat - Astanada QR Qarýly kúshteriniń qurylǵanyna 25 jyl tolýyna oraı áskerı sherýge daıyndyq jáne ótkizý kezeńine baılanysty áýe keńistigin paıdalanýǵa qysqa merzimge shekteý engiziledi. Sonymen qatar, Astana áýejaıy áskerı sherýge daıyndyqqa baılanysty ýaqytsha ushý kestesin ózgertedi, dep habarlaıdy QazAqparat.
«Atap aıtqanda 21, 25, 26 sáýirde jergilikti ýaqyt boıynsha saǵat 09.20 - 13.00-ge deıin; 28, 29 jáne 02,03,04 mamyrda saǵat 10.00 - 13.00-ge deıin, sherýdi ótkizý kezinde 07 mamyr saǵat 10.00 - 13.00-ge deıin elorda áýejaıy áýe kemelerin qabyldaý jáne jiberýge jabyq bolady», - delingen baspasóz baıanynda.
Budan bólek, Astana qalasynyń áýe aımaǵyna shekteý sherýdiń áýe bóligindegi jattyǵýlar ýaqytynyń ózgerýine nemese jaǵymsyz meteojaǵdaılarǵa, basqa sebepterge baılanysty 24, 27, 30 sáýir jáne 06 mamyr - rezervti kúnder engizilýi múmkin.
«Áýe keńistigin qysqa merzimge jabý týraly reıster kestesine ózgertýler engizý úshin barlyq avıakompanııalarǵa habarlanǵan. Sherýdi ótkizý jáne jattyǵýlar kezinde elordanyń áýe aımaǵyn birinshi ret jabylyp otyrǵan joq. Ótken jyldardyń tájirıbesin esepke ala otyryp, sáýir jáne mamyrda is-sharalardy ótkizý kúnderi áýe qozǵalysy reısterdiń kóp keshigýine jol bermeý de uıymdastyrylady», - delingen baspasóz baıanynda.
