Astana áýejaıy sý astynda qalýy múmkin
ASTANA. QazAqparat - Astana áýejaıyn sý basý qaýpi bar. Bul týraly búgin QR Іshki ister vıtse-mınıstri ıÝrıı Ilın aıtty, dep habarlaıdy QazAqparat.
«Esil ózeni arnasynyń Aqmola oblysy aýmaǵyndaǵy tómengi jaǵynan sý jiberý qabiletin arttyrý boıynsha qabyldanyp jatqan sharalar búgingi kúni jetkiliksiz bolyp otyr. Maıbalyq kóli aýmaǵynda elordanyń áýejaıyn sý basý qaýpi saqtalyp otyr. Sondyqtan artyq sýdy burý úshin nysan salý boıynsha qajetti sharalar qabyldaý talap etiledi», - dedi ıÝrıı Ilın Májilistegi «Tótenshe jaǵdaılardyń aldyn alý jáne olardy joıý jónindegi memlekettik júıeniń jaı-kúıi men damý perspektıvalary týraly» dóńgelek ústel otyrysynda.
Sonymen qatar vıtse-mınıstr ótken jyly Atbasar qalasyn sý basqandyǵyna da jan-jaqty toqtalyp ótti. Onyń aıtýynsha, sýdyń deńgeıi 590 mln tekshe metrge jetip, qorǵanys qurylǵysyn buzyp ketken.
«Qazirgi ýaqytta elimizdiń búkil aýmaǵyndaǵy ıesiz gıdrotehnıkalyq qurylǵylar problemasy sheshilip jatyr. Olardyń sany 46-ǵa jýyqtaıdy. Basym bóligi Almaty men Mańǵystaý oblystarynyń aýmaǵynda ornalasqan. Atalǵan óńirlerde 13-ten qaraýsyz qurylǵylar bar», - dedi ol.
Foto: www.gorodfm.net
