Astana áýejaıy shtattyq rejımde jumys istep tur

ASTANA. QazAqparat – Elorda áýejaıy mańynda bolǵan órt onyń qyzmetine áser etken joq, dep habarlaıdy QazAqparat Azamattyq avıatsııa komıtetiniń baspasóz qyzmetine silteme jasap.

«Nursultan Nazarbaev halyqaralyq áýejaıynyń aqparaty boıynsha órt áýe aılaǵynyń qyzmetine áser etpegen. Astana áýejaıy shtattyq rejımde jumys istep tur», - delingen komıtettiń habarlamasynda.

Buǵan deıin Astana áýejaıy mańynda qamys órtenip jatqany týraly habarlaǵan edik.

«13 sáýir kúni saǵat 12:28-de Astana qalasynyń tótenshe jaǵdaılar departamenti órt sóndirý bólimshesi halyqaralyq áýejaı jaqqa qaraı shaqyrtý boıynsha jolǵa shyqty. Oqıǵa ornyna jetken kezde qýraǵan aǵashtar men qamystyń órtenip jatqany anyqtaldy. Órt sharpyǵan aýmaq shamamen 1 gektar bolady», - dep málim etken edi Astana qalalyq TJD baspasóz qyzmetinen.

Vedomstvonyń dereginshe, qazirgi ýaqytta órtti sóndirý jumystaryna Astana qalalyq TJD jeke quramynyń 14 mamany men 3 tehnıkasy jumyldyrylǵan.