Astana áýejaıy shildede jóndeýden ótedi
ASTANA. QazAqparat – Astananyń halyqaralyq áýejaıynyń ushý-qoný jolaqtary jóndeledi, dep habarlaıdy QazAqparat áýejaıǵa silteme jasap.
«Áýejaıdyń ushý-qoný jolaqtary 2023 jylǵy 15 shildeden 8 tamyzǵa deıin josparlanǵan. Bul ýaqyt qurylys kezeńiniń neǵurlym qolaıly jaǵdaılaryna baılanysty. Jóndeý jekelegen ýchaskelerde asfaltbeton jabynynyń joǵarǵy qabatyn aýystyrý jolymen júrgiziletin bolady, sondaı-aq ushýdy qamtamasyz etý boıynsha jaryq sıgnal berý jabdyǵyn jóndeý josparlanýda», delingen habarlamada.
Aıta ketsek, jóndeý jumystary qolaıly ýaqytqa tańdalady. Ótken jyldardaǵy taldaýǵa sáıkes, jaýyn-shashynnyń mınımaldy túsýi jáne asfaltbeton zaýyttarynyń úzdiksiz jumysy jóndeý jumystaryn atalǵan kezeńge belgileýge múmkindik beredi.
