Astana áýejaıy múmkindigi shekteýli jandarǵa qajetti qondyrǵylarmen jabdyqtalady
ASTANA. QazAqparat - 2017 jylǵa qaraı elorda áýejaıy múmkindigi shekteýli jolaýshylarǵa qajetti qondyrǵylarmen tolyq jabdyqtalady. Bul týraly «Halyqaralyq Astana áýejaıy» AQ habarlaıdy, dep jazady elorda ákimdiginiń resmı saıty.
«2014-2016 jyldary jolaýshylardyń qozǵalysyna kedergi keltiretin tosqaýyldardy joıý maqsatynda kórý, estý, sóıleý qabilettilikteri boıynsha múgedektigi bar adamdardyń erekshelikterin, sonyń ishinde, ıntellektisi men psıhıkasy buzylǵandardyń da baryn eskere kele, múmkindigi shekteýli jandarǵa arnalǵan kerek-jaraqtar men jaılardy engizý kózdelgen», - delingen habarlamada.
Ol úshin Braıl boıynsha belgiler satyp alynady. Al dárethanalardyń árqaısysy medıtsınalyq qyzmetkerlerdi shaqyrtý júıesimen jabdyqtalady. Munymen qosa, relefti joldar, relefti kartalar men ǵımarattardyń sulbasy, júgirtpe joldar, sondaı-aq múmkindigi shekteýli jandardyń áýejaı vokzalynyń aýmaǵynda jáne aerovokzalda qozǵalysyn uıymdastyrý sulbasy týraly jaryqty aqparat tablosy satyp alynbaq.
Aıta keteıik, 2016 jyly kómekke shaqyrýǵa múmkindik beretin arnaıy pýlti bar qondyrǵyny, sondaı-aq, jolaýshylar termınalynyń ǵımaratyna erkin kirýi úshin árbir kiretin esikke múmkindigi shekteýli jandarǵa arnalǵan pandýs jasalady.
Áýejaıdan habarlaǵandaı, 2016 jylǵa qaraı ǵımaratta múmkindigi shekteýli jolaýshylarǵa relefti joldar men dybystyq habarlaýshy, al 2014 jylǵa qaraı laıtboks ornatylady.
Ótken jyly áýejaı arbamen júretin 1 800 múgedekke qyzmet kórsetken.
