Astana áýejaıy mańynda qamys órtenip jatyr
ASTANA. QazAqparat – Elordanyń halyqaralyq áýejaıy mańynda qamys órtenip jatyr, dep habarlaıdy QazAqparat tilshisi.
«13 sáýir kúni saǵat 12:28-de Astana qalasynyń tótenshe jaǵdaılar departamenti órt sóndirý bólimshesi halyqaralyq áýejaı jaqqa qaraı shaqyrtý boıynsha jolǵa shyqty. Oqıǵa ornyna jetken kezde qýraǵan aǵashtar men qamtystyń órtenip jatqany anyqtaldy. Órt sharpyǵan aýmaq shamamen 1 gektar bolady», - dep málim etti Astana qalalyq TJD baspasóz qyzmetinen.
Vedomstvonyń dereginshe, qazirgi ýaqytta órtti sóndirý jumystaryna Astana qalalyq TJD jeke quramynyń 14 mamany men 3 tehnıkasy jumyldyrylǵan.
