Astana áýejaıy Halyqaralyq áýejaılar keńesine múshe boldy

ASTANA. QazAqparat - Nursultan Nazarbaev halyqaralyq áýejaıy Halyqaralyq áýejaılar keńesine múshe boldy. Mundaı aqparat QR IIDM Azamattyq avıatsııa komıtetiniń Feısbýktegi paraqshasynda jarııalandy, dep habarlaıdy QazAqparat tilshisi.

Halyqaralyq áýejaılar keńesi (Airports Council International; ACI) - bul áýejaılardyń álemdegi jalǵyz jahandyq saýda ókildigi. Atalǵan keńeske qatysý Astana áýejaıyna bul saladaǵy úzdik álemdik tájirıbeni qabyldaýǵa, qyzmet kórsetkishterin ortasha salalyq álemdik kórsetkishtermen salystyrýǵa, barynsha tıimdi qyzmetti qamtamasyz etý úshin kásibı múddesin bildirýge jáne ony qorǵaýǵa múmkindik beredi.

ACI áýejaı saıasatyndaǵy mańyzdy ózgerister protsesi barysynda áýejaılardyń múddelerin qorǵap, qoldaý bildiredi.

Aıta keterligi, elimizdiń Azamattyq avıatsııa komıteti qazaqstandyq áýejaılardy damytý saıasatyn júrgizip keledi. Qazirgi ýaqytta Qazaqstannyń 15 áýejaıy IKAO sanatyn alǵan. 2020 jyly elimizdegi barlyq áýejaıdyń ushý-qoný jolaǵy jańǵyrtylatyn bolady.