Astana áýejaıy byltyr 5,1 mln jolaýshyǵa qyzmet kórsetti
NUR-SULTAN. QazAqparat – 2019 jyly elorda áýejaıy 5,1 mln jolaýshyǵa qyzmet kórsetti, dep habarlaıdy QazAqparat QR Indýstrııa jáne ınfraqurylymdyq damý mınıstrligine silteme jasap.
«Nursultan Nazarbaev halyqaralyq áýejaıy» - Qazaqstandaǵy eń iri áýejaılardyń biri. Jolaýshylar aǵyny boıynsha 2-oryndy alady. Ótken jyly áýejaıda 5,1 mln jolaýshyǵa qyzmet kórsetilgen. Áýejaı memleket menshiginde. Onda 2321 adam qyzmet etedi», - delingen aqparatta.
Tótenshe jaǵdaı engizilgenge deıin «Nursultan Nazarbaev halyqaralyq áýejaıynan» 16 ishki baǵyt boıynsha aptasyna 320 turaqty reıs oryndalǵan. Sondaı-aq, 3 qazaqstandyq jáne 12 sheteldik áýekompanııa apta saıyn 31 baǵytta 179 halyqaralyq reısti júzege asyryp otyrdy.
«Astanalyq áýejaı - elimizdiń vızıt kartochkasy. Memlekettik jáne resmı saparlar kezinde shetel memleketter basshylarynyń delegatsııalaryna jıi qyzmet kórsetedi.
2017 jyly «EKSPO-2017« halyqaralyq kórmesine daıyndyq aıasynda qaýipsizdik pen sapanyń barlyq halyqaralyq standarttaryna sáıkes keletin jańa halyqaralyq jolaýshylar termınaly paıdalanýǵa berilgen bolatyn», - dedi mınıstrlikten.
