Astana áýejaıy aýmaǵynan Qytaı azamatynyń múrdesi tabyldy
ASTANA. QazAqparat - Búgin Astana áýejaıy aýmaǵynan Qytaı azamatynyń múrdesi tabyldy. Bul týraly «QazAqparat» HAA-ǵa áýejaı baspasóz qyzmetinen habarlady.
Baspasóz qyzmetiniń naqtylaı túsýinshe, áýejaıdyń medıtsınalyq beketine ushaqpen kelgen jolaýshylardy kútip alýshylardyń biri júginip, aıaldamada belgisiz azamattyń jatqanyn aıtqan. Áýejaı feldsheri oqıǵa ornyna tańǵy saǵat 7-10-da barǵan kezde onyń ólip qalǵany belgili bolǵan. Azamattyń qasynda turǵan sómkesindegi bırkadan onyń Qytaı azamaty ekendigi jáne tańǵy reıspen Beıjińnen kelgeni anyqtaldy.
Osydan keıin jelilik polıtsııa bólimshesiniń qyzmetkerleri men jedel járdem shaqyryldy. Boljamǵa sáıkes, qytaılyq azamattyń jasy 56-da jáne ol tromboembolıden kóz jumǵan.
