Astana áýejaıynyń janynda úlken qonaqúı salynbaq
ASTANA. KAZINFORM — Elordadaǵy qoldanystaǵy áýejaıdyń mańynda qonaqúı salynady. Bul týraly BIZDIÑ ORTA podkastynda «Nursultan Nazarbaev halyqaralyq áýejaıy» AQ Basqarma tóraǵasy Beken Seıdahmetov málim etti.
- Qys kezinde reıster keshikken kezde jolaýshylarǵa jaǵdaı jasaý mańyzdy. Qalanyń ortalyǵyndaǵy qonaqúılerge ornalastyrýǵa biraz ýaqyt ketedi. Sondyqtan áýejaı janynda úlken qonaqúıdiń salynýy óte mańyzdy. Qazir bıznespen pysyqtap, jer telimin aıqyndap, 1-2 jylda úlken qonaqúıdi turǵyzý josparymyz bar, - dedi Beken Seıdahmetov.
Aıta keteıik, Astanada jańa áýejaıdyń qurylysy kelesi jyly bastalady.
Qala ákimdigi tarapynan qajetti daıyndyq jumystary iske asyp jatyr.
