Astana áýejaıynyń ushý-qonaý jolaǵy ýaqytsha jabylady
ASTANA. KAZINFORM – «Astana halyqaralyq áýejaıy» AQ josparly jóndeý jumystaryna baılanysty ushý-qoný jolaǵy ýaqytsha jabylatynyn habarlady.
Ýaqyty: 2025 jylǵy 1-4 qyrkúıek aralyǵy,
2025 jylǵy 8 qyrkúıekten 31 qazanǵa deıin.
Kórsetilgen kúnderi kún saıyn Astana ýaqyty boıynsha saǵat 10:00-den 18:00-ge deıin ushý-qoný jolaǵy ushaqtardyń ushyp-qonýy úshin jabyq bolady.
2025 jylǵy 5–7 qyrkúıek aralyǵynda ushý-qoný jolaǵy qalypty rejımde jumys isteıdi, reıster jospar boıynsha oryndalady.
Osyǵan baılanysty reısterdiń kestesine ózgerister engizilýi múmkin. Jolaýshylardan reıske qatysty ózekti aqparatty avıakompanııa ókilderinen aldyn ala naqtylap alýdy suraımyz.
- Jóndeý jumystary aerodrom ınfraqurylymyn josparly túrde jańartý sheńberinde júrgiziledi jáne bul áýe tasymalynyń qaýipsizdigin arttyrýǵa, sondaı-aq jolaýshylar men avıakompanııalarǵa kórsetiletin qyzmet sapasyn jaqsartýǵa baǵyttalǵan, - delingen habarlamada.
Osyǵan deıin Astana áýejaıy arab ınvestorynan qala balansyna qaıtarylǵany týraly jazdyq.