Astana áýejaıynyń qyzmetinen monopolııaǵa qarsy talaptardyń buzylǵany anyqtaldy
ASTANA. KAZINFORM — Qazaqstan Respýblıkasy Básekelestikti qorǵaý jáne damytý agenttiginiń Astana boıynsha departamenti «Nursultan Nazarbaev halyqaralyq áýejaıy» AQ qyzmetinde monopolııaǵa qarsy zańnamany buzý faktisin anyqtady.
Vedomstvonyń habarlaýynsha, tergep-tekserý barysynda áýejaıdyń tıisti taýar naryǵynda monopolııalyq jaǵdaıǵa ıe bola otyryp, avıatsııalyq otyn jetkizýshilerden rettelmegen alym óndirgeni anyqtaldy. Bul rette jetkizýshilerdiń kórsetilgen talaptardan bas tartý nemese balamaly qyzmet jetkizýshisin tańdaý múmkindigi bolmaǵan.
— Sondaı-aq tergep-tekserý barysynda atalǵan alym mólsheriniń kezeń-kezeńimen bir tonna úshin 16 240 teńgeden 77 852 teńgege deıin, keıinnen 60 137 teńgege deıin ózgertilgeni anyqtaldy. Bul naryq qatysýshylarynyń qarjylyq júktemesiniń artýyna jáne túpkilikti tutynýshylar úshin avıatsııalyq otyn qunynyń ósý táýekelderine ákelgen, — delingen habarlamada.
«Nursultan Nazarbaev halyqaralyq áýejaıy» AQ-nyń áreketteri Qazaqstan Respýblıkasy Kásipkerlik kodeksiniń 174-babyna sáıkes monopolııalyq jaǵdaıdy teris paıdalaný retinde saralandy.
Tergep-tekserý qorytyndylary birinshi satydaǵy sotpen zańdy dep tanyldy.
Eske salaıyq, buǵan deıin Premer-mınıstr Oljas Bektenov birqatar naryqta monopolııaǵa qarsy baqylaýdy kúsheıtýdi tapsyrǵan edi.
