Astana áýejaıyndaǵy ushý-qoný jolaǵy jabylady: qaı reıster ózgeredi
ASTANA. KAZINFORM — Air Astana 2026 jylǵy 15 sáýir men 31 mamyr aralyǵynda Astana áýejaıyndaǵy ushý-qoný jolaǵynyń saǵat 10:00-den 18:00-ge deıin josparly túrde jabylýyna baılanysty reıster kestesine ýaqytsha ózgerister engiziletinin habarlady.
— Ózgerister Astanadan Almaty, Qostanaı, Óskemen, Atyraý jáne Aqtóbe baǵyttaryna, sondaı-aq Astanadan Seýl, Frankfýrt, Beıjiń, Tashkent, Dýbaı, Fýkýok, Nıachang jáne Ystanbul baǵyttaryna oryndalatyn turaqty reısterge áser etedi. Ózgeristerge ushyraǵan reısterdiń jolaýshylary brondaý kezinde kórsetilgen baılanys derekteri arqyly habardar etilip jatyr, — delingen habarlamada.
Reıstiń mártebesin brondaý sekildi ózge de aqparat alý úshin tómendegi nómirlerge habarlasýǵa bolady:
help.airastana.com, +7 (727-24) 4-44-77, +7 (702-70) 2-44-77, +7 727 244 4478 (reısterdiń keshigýi nemese toqtatylýy jaǵdaıda), +7 702 702 0074 (WhatsApp), Online chat: airastana.com.
Eske sala keteıik, buǵan deıin Astana áýejaıy 15 sáýirden bastap jumys kestesin ózgertetinin jazǵan bolatynbyz.