Astana áýejaıyndaǵy evakýatsııa týraly aqparat — jalǵan

ASTANA.KAZINFORM — BAQ betterinde Astana áýejaıynda órtke baılanysty adamdar evakýtsııalanyp jatyr degen aqparat tarady. Alaıda bul aqparatty Nursultan Nazarbaev halyqaralyq áýejaıy joqqa shyǵardy.  

— Keıbir buqaralyq aqparat quraldarynda Astana áýejaıynda órt shyǵý qaýpine baılanysty kelýshilerdiń jedel evakýatsııalanǵany jóninde taraǵan aqparat shyndyqqa janaspaıdy.  Áýejaıda habarlandyrý júıesin tekserý jáne qyzmetterdiń ózara is-qımylyn pysyqtaý maqsatynda josparly oqý-jattyǵý ótkizilip jatyr. Barlyq jolaýshylar men kelýshiler oqý dabylynyń júrgiziletini týraly daýys zoraıtqysh júıe arqyly aldyn ala habardar etildi. Eshqandaı tótenshe jaǵdaı, órt nemese qaýip tirkelgen joq. Áýejaı qalypty rejımde jumys istep tur, jolaýshylarǵa qyzmet kórsetý jáne reısterdi oryndaý eshqandaı shekteýsiz júzege asyrylyp jatyr, — delingen habarlamada.

Áýejaıdyń baspasóz qyzmeti aqparatty tek resmı derekkózderden alý keregin ótindi.

Eske sala keteıik, buǵan deıin Air Astana ushaqtyń áýejaıǵa qaıta qonýyna qatysty túsinikteme bergen edi.