Astana áýejaıynda jolaýshylar sany kúrt artty: basshylyq túsinik berdi

ASTANA. KAZINFORM — Búgin Astana qalasynyń halyqaralyq áýejaıynda jolaýshylar aǵyny baıqaldy. Áýejaı basshylyǵy atalǵan jaıtqa túsinik berdi. 

— Nursultan Nazarbaev halyqaralyq áýejaıynyń ishki reısterge arnalǵan 2-termınalynda bir mezette 8 reıske qyzmet kórsetilip jatyr, osyǵan baılanysty ushý aımaǵynda jolaýshylar legi kóbeıdi, bul shamamen 1000 adam. Reısterdiń keshigýi tirkelgen joq. Áýe qaýipsizdigi qyzmetiniń ınspektorlary kúsheıtilgen rejımde jumys istep jatyr, — delingen áýejaıdyń baspasóz qyzmeti taratqan habarlamada.

Osy oraıda elorda áýejaıynyń qyzmeti jolaýshylardan erterek kelip, reıs mártebesin onlaın-taqtadan tekserýdi nemese áýe kompanııa ókilderinen naqtylaýdy surap otyr.

— Jazǵy maýsym — áýe tasymalynyń qarqyndy kezeńi. Áýe kompanııalarynyń ushý kestesi jıileıdi, jolaýshylar saparynyń jaılylyǵy men qaýipsizdigin qamtamasyz etý úshin bar kúshimizdi salyp jatyrmyz, — deıdi Astana áýejaıynan.

Aıta ketelik elorda áýejaıynda sýyq qarý tapsyrý úshin arnaıy jáshik ornatylǵany týraly jazǵan edik.