Astana áýejaıynda jańǵyrtý jumystary júrgiziledi
ASTANA. KAZINFORM – Byltyr Nursultan Nazarbaev halyqaralyq áýejaıynda jolaýshylar aǵyny eselep artqan. Bul jóninde Astana qalasynyń Kólik jáne jol-kólik ınfraqurylymyn damytý basqarmasynyń basshysy Ashat Qaraǵoıshın qalalyq máslıhattyń kezekten tys sessııasynda málimdedi.
– 2025 jyldyń qorytyndysy boıynsha, áýejaıdyń ishki T2 termınalynyń naqty júktemesi jylyna 6,3 mıllıon jolaýshyǵa jetti. Al onyń jobalyq qýattylyǵy nebári 3 mıllıon jolaýshyǵa arnalǵan. Bul áýejaı ınfraqurylymyn jańǵyrtý qajettigin aıqyndaıdy. Osyǵan oraı, áýejaıdy damytý tujyrymdamasy sheńberinde T2 termınalyn rekonstrýktsııalaý jobasyn iske asyrý kózdelip otyr, – dedi ol.
Usynys máslıhat depýtattarynyń qoldap daýys berýimen qabyldandy.
Aıta keteıik, buǵan deıin Astana áýejaıy reıster kestesin ýaqytsha ózgertetinin jazǵanbyz.
