Astana áýejaıy halyqaralyq reıster kestesine ózgeris engizdi
ASTANA. KAZINFORM — 2026 jylǵy 28 aqpandaǵy saǵat 18:30-daǵy jaǵdaı boıynsha, Iran áýe keńistiginiń jabylýyna baılanysty Astana halyqaralyq áýejaıy birqatar halyqaralyq reıs kestesine ózgerister engizilgenin habarlady.
28 aqpandaǵy ózgerister
Búginge josparlanǵan KC205 Astana – Dýbaı reısi 08:37-de Astanadan ushyp shyqqan. Alaıda áýe keńistigindegi shekteýlerge baılanysty keri burylyp, 14:10-da Astana áýejaıyna qondy.
KC206 Dýbaı – Astana keri reısi toqtatyldy.
KC207 Astana – Dýbaı reısi 08:55-te ushyp shyǵyp, 13:59-da baǵyttan keri qaıtýǵa májbúr boldy. KC208 Dýbaı – Astana keri reısi de toqtatyldy.
Atalǵan baǵyttar boıynsha búginge josparlanǵan barlyq reıs tolyqtaı toqtatyldy.
29 aqpandaǵy reıster
2026 jylǵy 29 aqpanǵa josparlanǵan kelesi reıster de toqtatylady:
KC561 Astana – Djıdda jáne keri KC562 Djıdda – Astana;
KC205 Astana – Dýbaı (07:45) jáne keri KC206 Dýbaı – Astana;
KC207 Astana – Dýbaı (14:00) jáne keri KC208 Dýbaı – Astana.
Sondaı-aq Flydubai áýe kompanııasynyń FZ1303/1304 Dýbaı – Astana – Dýbaı reısi (qoný ýaqyty 03:10, ushý ýaqyty 04:10) toqtatyldy.
Air Astana áýe kompanııasynyń málimetinshe, Taıaý Shyǵys elderine barlyq reıster 2026 jylǵy 3 naýryzdy qosa alǵanda ýaqytsha toqtatylǵan.
Jolaýshylarǵa reıster mártebesi týraly ózekti aqparatty áýe kompanııalarynyń resmı saıttarynan jáne Astana áýejaıynyń onlaın-tablosynan qadaǵalaý usynylady.
