Astana áýejaıynda órt dabyly júıesine profılaktıkalyq jumystar júrgiziledi
ASTANA. KAZINFORM – Búgin Astana halyqaralyq áýejaıynyń T2 ǵımaratynda avtomatty órt dabyly júıesine josparly profılaktıkalyq jumystar júrgiziledi, dep habarlaıdy Astana halyqaralyq áýejaıy.
Áýejaı ákimshiliginiń málimetinshe, jumystar aıasynda órt dabyly datchıkteri tazartylyp, tehnıkalyq qyzmet kórsetiledi.
– Josparly jumystar 13:00-den 17:00-ge deıin júrgiziledi. Osy ýaqyt aralyǵynda avtomatty órt dabyly júıesi qysqa merzimdi iske qosylýy múmkin, – delingen habarlamada.
Áýejaı ákimshiligi jolaýshylardan, qyzmetkerlerden jáne jalǵa alýshylardan júrgizilip jatqan jumystarǵa túsinistikpen qarap, atalǵan aqparatty eskerýdi surady.
– Ýaqytsha qolaısyzdyqtar úshin keshirim suraımyz, – dep habarlady áýejaı ákimshiligi.
Aıta keteıik, Astana áýejaıynda avtoturaq tarıfi ósedi.
