Astana áýejaıynda mas kúıde qoǵamdyq tártipti buzǵan áıel jaýapqa tartyldy
ASTANA. KAZINFORM – QR ІІM Kóliktegi polıtsııa departamenti mas kúıdegi áıeldiń bylapyt sózder aıtyp, dóreki minez kórsetip, polıtsııa qyzmetkerleriniń zańdy talaptaryna baǵynbaǵanyn málimdedi.
– Kóliktegi polıtsııa basqarmasy qyzmetkerleri Astana áýejaıynda áýe kompanııasy ókilderiniń aktisi negizinde 36 jastaǵy Shymkent turǵynyn qoǵamdyq tártipti buzǵany úshin «Astana – Shymkent» baǵytyndaǵy reısten túsirdi, – delingen vedomstvo habarlamasynda.
Tekserý barysynda áıeldiń alkogoldi masań kúıde bolǵany anyqtaldy. Ol bylapyt sózder aıtyp, dóreki minez kórsetip, polıtsııa qyzmetkerleriniń zańdy talaptaryna baǵynbaǵan.
– Quqyq buzýshy QR Ákimshilik quqyq buzýshylyq týraly kodeksiniń úsh baby boıynsha ákimshilik jaýapkershilikke tartyldy. Atap aıtqanda, alkogoldik ishimdikterdi ishý nemese qoǵamdyq oryndarǵa masań kúıde kelý (440-bap), usaq buzaqylyq (434-bap), sondaı-aq, quqyq qorǵaý organy nemese arnaýly memlekettik organ, áskerı polıtsııa organy, memlekettik feldegerlik qyzmet qyzmetkeriniń (áskerı qyzmetshisiniń), sot prıstavynyń, sot oryndaýshysynyń zańdy ókimine nemese talabyna baǵynbaý (667-bap) baptary boıynsha jaýapqa tartyldy, – dep málimdedi departament.
Іs materıaldary protsestik sheshim qabyldaý úshin sotqa joldandy.
Aıta keteıik, buǵan deıin BQO-da avtokólikke masań kúıde otyrǵan aýyl ákimi qyzmetinen bosatylǵanyn jazǵanbyz.
