Astana áýejaıynda qolaısyz aýa raıyna baılanysty reıster keshigip jatyr
ASTANA. KAZINFORM — Qazir áýejaıda kúrdeli meteorologııalyq jaǵdaı qalyptasty — muzdy jańbyr jaýyp tur. Osyǵan baılanysty ushyp kelýi tıis 11 reıs, ushyp ketýi tıis 4 reıs keshiktirilip, 1 reıs toqtatylǵan.
Nursultan Nazarbaev halyqaralyq áýejaıynyń málimetinshe, áýejaıdyń barlyq qyzmeti kúsheıtilgen rejımde jumys istep, ushý qaýipsizdigin qamtamasyz etý maqsatynda barlyq qajetti sharalardy qabyldap jatyr.
Reıster boıynsha qazirgi jaǵdaı mynadaı:
Ushyp kelýge:
- Keshiktirilgeni — 11 reıs
- Toqtatylǵany — 1 reıs (aýa raıy jaǵdaıyna baılanysty)
Ushýǵa:
- Keshiktirilgeni — 4 reıs
— Kidiristerdiń negizgi sebebi — qolaısyz aýa raıyna baılanysty áýe kemeleriniń keshigip kelýi. Jolaýshylardan onlaın-tablony, áýe kompanııalarynyń resmı aqparatyn jáne termınaldaǵy habarlandyrýlardy qadaǵalap otyrýdy suraımyz. Túsinistik tanytqandaryńyz úshin alǵys bildiremiz, — delingen áýejaı taratqan aqparatta.
Budan buryn «QazAvtoJol» ulttyq kompanııasy eldegi joldardyń qazirgi ahýaly týraly habarlaǵan edi.