Astana áýejaıynda bıometrııalyq tekserý júıesi synaqtan ótpek
ASTANA. KAZINFORM — Elorda áýejaıynda jolaýshylardy bıometrııalyq aýtentıfıkatsııalaýdy engizý boıynsha pılottyq joba iske asyrylmaq. Osyǵan qatysty Kólik mınıstriniń buıryq jobasy ashyq NQA portalynda jarııalandy.
Vedomstvonyń málimetinshe, joba Astana áýejaıynda jolaýshylarǵa qyzmet kórsetý protsesin jaqsartýǵa baǵyttalǵan.
— Bıometrııalyq aýtentıfıkatsııa boıynsha jobany engizý jolaýshylarǵa qyzmet kórsetý ýaqytyn qysqartýǵa, ushý aldyndaǵy rásimderden ótýdi ońtaılandyrýǵa jáne Astana áýejaıyndaǵy qaýipsizdik deńgeıin arttyrýǵa múmkindik beredi, — delingen buıryq jobasynyń túsindirme jazbasynda.
Qujat 4 qarashaǵa deıin qoǵamdyq talqylaýǵa shyǵarylǵan.
Aıta keteıik, taıaýda Kólik vıtse-mınıstri Talǵat Lastaevtyń tóraǵalyǵymen elimizdegi barlyq áýejaılar men áýe kompanııalardyń birinshi basshylarynyń qatysýymen 2026–2027 jyldardaǵy kúzgi-qysqy kezeńge daıyndyq máseleleri boıynsha keńes ótti. Keńes barysynda Kólik vıtse-mınıstri qysqy kezeńde azamattyq avıatsııanyń qaýipsiz ári úzdiksiz jumysyn qamtamasyz etýge baǵyttalǵan birqatar tapsyrma berdi.
Sonymen qatar elimizde áýejaılar jańǵyrtylyp, ushaqtar parki jańaratynyn jazǵanbyz.
