Astana áýejaıynda aýa raıyna baılanysty 12 reıs keshigip jatyr

ASTANA. KAZINFORM –  Astanadaǵy halyqaralyq áýejaıda aýa raıynyń qolaısyzdyǵyna baılanysty reıster keshigip jatyr. 

Jaqyn kúnderi Qazaqstannyń keı óńirinde qar jaýyp, boran soǵyp, kóktaıǵaq bolyp, tuman túsedi. 

Osy sebepti Astananyń halyqaralyq áýejaıynda reıster kestesinde ózgerister bolýy múmkin.

Búgingi josparlanǵan reıster:

Ushý boıynsha: 79 reıs
Qoný boıynsha: 78 reıs

Qazirgi jaǵdaıda qoný boıynsha 10 reıs keshigip jatsa, ushyp shyǵý boıynsha 2 reıs keshigip jatyr.

— Jolaýshylarǵa reısterdiń mártebesi týraly ózekti aqparatty áýe kompanııalarynan naqtylaý usynylady, — delingen áýejaıdyń habarlamasynda.

Aıta ketelik Temirtaýdan Aqmola oblysynyń shekarasyna 590 avtokólik polıtsııa baqylaýymen ótti.