Astana áýejaıynda 20-dan astam reıs keshigip jatyr

ASTANA. KAZINFORM — Astana halyqaralyq áýejaıynda qazirgi ýaqytta ushyp kelý jáne ushyp ketý boıynsha 20-dan astam reıs keshiktirilip jatyr. Buǵan áýe kemeleriniń belgilengen ýaqyttan kesh jetýi sebep bolǵan.

Áýejaıdyń baspasóz qyzmetiniń málimetinshe, keshigýlerdiń ishinde 14 reıs — ushyp kelý, 9 reıs — ushyp ketý baǵytynda. Mamandardyń aıtýynsha, bul jaǵdaıǵa aýa raıy áser etpegen.

Osyǵan baılanysty jolaýshylarǵa reısterdiń ýaqytyn áýe kompanııalarynyń baılanys ortalyqtary arqyly nemese áýejaıdyń resmı saıtyndaǵy reıster kestesinen aldyn ala tekserý usynylady. (www.nn-airport.kz)

Aıta keteıik, buǵan deıin FlyArystan áýe kompanııasy Aqtaý — Dýbaı — Aqtaý baǵyty boıynsha reısterdi ýaqytsha toqtatqany habarlanǵan edi.