Astana áýejaıynda 11 reıs ýaqytynan keshiktirilip, 3 reıs toqtatyldy

Búgin elordadaǵy halyqaralyq áýejaıda 11 reıs ýaqytynan kesh ushyryldy, dep habarlaıdy Kazinform.

- 14 qańtarda Astana halyqaralyq áýejaıynda 11 reıs keshiktirilip, Astanadan Almatyǵa, Jezqazǵan jáne Túrkistanǵa ushatyn 3 reıs áýekompanııanyń sheshimimen toqtatyldy. Keshiktirilgen jáne toqtatylǵan reıster meteo jaǵdaıǵa baılanysty emes.

Astana áýejaıynda qazir ushý jáne qonýǵa qolaıly aýa-raıy saqtalýda. Áýeaılaqtaǵy aýa temperatýrasy -18. Jeldiń jyldamdyǵy 12m/s, - dep jazdy Astana halyqaralyq áýejaıynyń baspasóz qyzmeti.