08:36, 27 Aqpan 2024 | GMT +6
Astana áýejaıynan órt shyǵyp, adamdar evakýatsııalandy
ASTANA. KAZINFORM – Astana áýejaıynan órt shyǵyp, adamdar evakýatsııalandy, dep habarlaıdy QR Tótenshe jaǵdaılar mınıstrliginiń baspasóz qyzmeti.
Baspasóz qyzmetiniń málimetterine qaraǵanda, 112-ge Astana qalasynyń halyqaralyq áýejaıyndaǵy termınaldyń elektr qalqan bólmesinde órt shyqqany týraly habarlama tústi. Syrtqy belgileri boıynsha - №1 jáne №2 termınaldar arasyndaǵy galereıadan qoıý tútin shyqqan, adamdar evakýatsııalandy.
Saǵat 08-24-te órt sóndirildi. №2 serverlik termınalda 10-15 sharshy metr elektr kabelderi janǵan.
Qaza bolǵandar men zardap shekkender joq. Oqıǵa ornyna Astana qalasy TJD jeke quramynyń 76 adamy jáne 18 tehnıkasy jumyldyryldy.
