Astana áýejaıynan Atyraýǵa reıs uıymdastyrylady
QR Kólik mınıstri Marat Qarabaev elorda áýejaıyna baryp, Atyraýǵa bir reıs ushyrylatynyn, sol arqyly jaqyn mańdaǵy qalalarǵa jetýge bolatynyn aıtty, dep habarlaıdy Kazinform.
Jolaýshylarmen kezdesýinde mınıstr shamamen 03:30-da Astanadan Atyraýǵa reıs uıymdastyrylatynyn aıtty.
«Atyraýǵa ushatyn jolaýshylar úshin arnaıy qyzmetkerdi bekittik, sol qyzmetker arqyly pysyqtaýǵa bolady. Atyraýdan jaqyn mańdaǵy qalalarǵa avtobýspen jetýge bolady, trassa ashyq. Avtobýs jaǵyn uıymdastyramyz. Qazir «QazAvtoJol» UQ» aktsıonerlik qoǵamyna joldardy tazalaý týraly tapsyrma berdik», - deıdi mınıstr.
Onyń aıtýynsha, jolaýshylarǵa qonaq úı qarastyrylǵan joq, óıtkeni ýaqyt tyǵyz jáne qonaq úı men áýejaı arasynda tasymaldap úlgermeıdi.
«Meniń sheshken máselem osy. Kútýge týra keledi. Basqa amal joq», - dedi Marat Qarabaev.
