Astana áýejaıynan Almaty, Qostanaı jáne basqa qalalarǵa ushatyn 20 reıs keıinge shegerildi
ASTANA. KAZINFORM – Astana áýejaıynda aýa raıy men avıakompanııalardyń qyzmetine baılanysty birneshe reıs kestesine ózgerister engizilip jatyr.
Qazirge deıin Almaty, Qostanaı, Shymkent, Óskemen, Oral, Qyzylorda, Bishkek jáne Omby baǵyttaryna ushýy tıis 11 reıstiń ýaqyty ózgerdi. Olardyń ekeýi operatsııalyq sebepterge, úsheýi ushaqtardy aýystyrýǵa, qalǵandary keshigýge baılanysty keıinge qaldyrylǵan.
Sonymen qatar Shymkent, Petropavl, Semeı, Almaty jáne Omby baǵyttaryna 9 reıs keıinge shegerildi. Astanadaǵy qolaısyz aýa raıynan 2 reıs keıinge qaldyrylsa, qalǵandary keshigý sebebinen basqa ýaqytta ushatyn boldy.
– Aýa raıynyń nasharlaýyna baılanysty Astanada 3 kiris jáne 8 shyǵys reısi tolyq toqtatyldy, - dep habarlady Astana halyqaralyq áýejaıy.
Sınoptıkterdiń málimetinshe, 10 naýryzda Astanada kóshpeli bulttan keıin ótkinshi qar jaýady, burqasyn bolyp, artynsha tuman túsedi. Soltústik-batystan soǵatyn jeldiń ekpini 9-14 m/s, keı jerlerde 15-20 m/s, kúndiz 23 m/s deıin jetýi múmkin.
Jolaýshylarǵa reısterdiń aǵymdaǵy jaǵdaıyn avıakompanııalardan nemese áýejaıdyń resmı saıty www.nn-airport.kz portalyndaǵy onlaın reıs taqtasynan baqylaý usynylady.
Eske sala keteıik, buǵan deıin QazAvtoJol birneshe oblysta kólik qozǵalysyna shekteý qoıylǵanyn habarlaǵan edi.
