Astana áýejaıyna baratyn jolaýshylarǵa eskertý jasaldy
ASTANA. KAZINFORM — Astanada ótetin «Bolashaq oıyndary — 2026» halyqaralyq is-sharasyna baılanysty qaladaǵy kólik qozǵalysyna ýaqytsha shekteýler engiziledi. Osyǵan baılanysty áýejaıǵa baratyn joldardyń keıbir ýchaskeleri jabylýy múmkin.
FlyArystan áýe kompanııasy jolaýshylarǵa jol jaǵdaıyn aldyn ala tekserip, keptelisterdi eskerip, áýejaıǵa jetý ýaqytyn josparlaýdy eskertti.
Kompanııanyń málimetinshe, jolaýshylar áýejaıǵa:
-
ishki reıster úshin — ushýǵa deıin keminde 2 saǵat buryn;
-
halyqaralyq reıster úshin — ushýǵa deıin keminde 3 saǵat buryn kelýi qajet.
Kompanııa áýejaıǵa ýaqytyly jetý jolaýshynyń jeke jaýapkershiliginde ekenin eske saldy.
Eske salaıyq, buǵan deıin búgin, 2026 jylǵy 29 shildede Prezıdent Qasym-Jomart Toqaev «Bolashaq oıyndary – 2026» halyqaralyq mýltısport týrnıriniń ashylý saltanatynda sóz sóıleıtinin habarlaǵanbyz.
Sondaı-aq «Bolashaq oıyndary – 2026» týrnırine qatysý úshin Astanaǵa mártebeli qonaqtar kelip jatqanyn jazǵan edik.
