Astana áýejaıy jolaýshylarǵa mańyzdy eskertý jasady

ASTANA. KAZINFORM – 6 qańtar kúni Astana halyqaralyq áýejaıy jolaýshylarǵa reısterdiń keshigip ushýyna baılanysty habarlama taratty. 

— Qazirgi ýaqytta Astana halyqaralyq áýejaıy qalypty rejımde jumys istep tur. Barlyq qyzmet ushaqtardy qabyldaý men ushyrýdy qamtamasyz etip jatyr, perrondy tazalaý jáne aerodrom ınfraqurylymyn kútip ustaý jumystary úzdiksiz júrgizilip jatyr. Qoný boıynsha 7 reıs keshigip jatyr, Túrkistannan keletin 1 reıs toqtatyldy. Qoný reısteriniń keshigýi men toqtatylý sebepteri áýejaılar men áýe kompanııalary tarapynan anyqtalady. Ushý boıynsha 5 reıs keshigip jatyr, — dep habarlady Nursultan Nazarbaev atyndaǵy halyqaralyq áýejaıdyń baspasóz qyzmeti.

Reısterdiń keshigý sebepteri:

Shymkent jáne Qostanaı baǵyttary — baratyn áýejaıdaǵy qolaısyz meteorologııalyq jaǵdaılar;

Qyzylorda, Almaty jáne Kamran baǵytyndaǵy reıster — ushaqtyń kesh kelýi.

Baspasóz qyzmeti Astana áýejaıy tarapynan eshqandaı shekteý joq ekenin atap ótti. Aerodrom men termınaldar turaqty jumys istep tur.

— Jolaýshylarǵa reısterdiń mártebesi týraly ózekti aqparatty áýe kompanııalarynan naqtylaý usynylady, — dedi Nursultan Nazarbaev atyndaǵy halyqaralyq áýejaıdyń baspasóz qyzmeti.

Aıta ketelik aýa raıy buzylyp, Pavlodar jáne Aqmola oblysynda jol jabyldy.