Astana áýejaıy reıster kestesinde ózgeris bolýy múmkin ekenin eskertti
PETROPAVL. KAZINFORM — Astana halyqaralyq áýejaıy Taıaý Shyǵys elderine jáne sol elder arqyly ótetin keıbir halyqaralyq reısterdiń kestesinde ózgerister bolýy múmkin ekenin habarlady.
Áýejaı ákimshiliginiń túsindirýinshe, túzetýler Taıaý Shyǵystaǵy birqatar memleketterdegi ahýaldyń ózgerýine baılanysty engizilgen.
Jolaýshylarǵa áýejaıǵa barar aldynda óz áýe kompanııalarynan reıstiń naqty mártebesin aldyn ala tekserý usynylady.
Áýe aılaǵynyń basshylyǵy áýejaıdyń áýe tasymaldaýshylarymen turaqty baılanysta ekenin jáne jolaýshylardyń qaýipsizdigin qamtamasyz etip, qolaısyzdyqtardy barynsha azaıtý úshin jaǵdaıdy baqylaýda ustap otyrǵanyn atap ótti.
Búgin Taıaý Shyǵystaǵy ahýalǵa baılanysty Air Astana 735 jolaýshyny qonaqúıge ornalastyrǵany belgili boldy.