Astana áýejaıy nelikten arab kompanııasynyń basqarýyna berildi
Kólik mınıstri Marat Qarabaev Astana áýejaıy nelikten BAÁ kompanııasynyń basqarýyna berilgenin túsindirdi. Sondaı-aq vedomstvo basshysy sheteldik ınvestor aldyna qandaı mindetter qoıylatynyn aıtty, dep habarlaıdy Kazinform.
«Astana áýejaıyna kelsek, arab ınvestory, onyń ishinde holdıngterge ıe Abu Dhabi ports kompanııalar toby bar. Olardyń álemdegi iri halyqaralyq áýejaılardy qamtıtyn jańa baǵyttary bar. Abu Dhabi Ports – jolaýshylar aǵyny 28 mln adamdy quraıtyn iri áýejaılardyń biri, menedjmenti óte joǵary jáne dál osyndaı áýejaılardaǵy standarttar Astanada da damı túsedi. Jańa basqarýshy kompanııalardyń kelýimen servıs pen menedjmenttiń múldem basqa deńgeıi bolady. Bul – óte mańyzdy. Bul rette biz jaı ǵana sheteldik kompanııaǵa beremiz dep aıtpaımyz, sheteldik kompanııanyń aldyna naqty mindetter de qoıyp otyrmyz», – dep túsindirdi Marat Qarabaev.
ıAǵnı, sheteldik ınvestor aldyna qoıylǵan birinshi mindet – ushý-qoný jolaǵyn tolyq jóndeý. Osylaısha, Kólik mınıstriniń aıtýynsha, respýblıkalyq bıýdjetke túsetin júkteme aıtarlyqtaı tómendeıdi. Al bul aqsha bıýdjetten halyqtyń qajettilikterine jumsalady.
«Ekinshiden, olar aerovokzal keshenin jóndeıdi. Úshinshisi – alańqaıda úlken akvahab qurý. Akvahab – jerde barlyq júkter bir jerde jınaqtalady, belgili bir taratý jumystarynan ótedi jáne nátıjesinde áýejaıdyń aınalasynda jumys oryndary qurylady. Bul máselelerdi arab ınvestorymen talqylaımyz», – dep atap ótti Marat Qarabaev.
Vedomstvo basshysynyń sózinshe, sheteldik ınvestor áýejaı aınalasynda menedjmenttiń múldem jańa deńgeıin qurýdy usynǵan, oǵan úlken qoımalar, jańa qonaq úı keshenderi jáne áýejaı qyzmetkerleri úshin bólek aımaq kiredi.
«Shyn máninde, jańa ınvestorlardyń kelýimen osyndaı shaǵyn qozǵalys ortalyǵy qaıta jandanyp jatyr. Biz elorda áýejaıyn halyqaralyq deńgeıge shyǵaramyz», – dedi Kólik mınıstri Marat Qarabaev.
Buǵan deıin Arab kompanııasy Astana áýejaıynyń jumysyn qolǵa alǵany habarlanǵan edi.
