Astana áýejaıy aýtızm spektrindegi balalarǵa beıimdelgen qyzmet engizdi
ASTANA. KAZINFORM — Elorda áýejaıynda aýtızmi bar balalarǵa arnalǵan arnaıy tanym lentalary qoldanylady.
Nursultan Nazarbaev halyqaralyq áýejaıy barlyq jolaýshy úshin jaıly ári qoljetimdi orta qalyptastyrý baǵytyndaǵy jumystaryn jalǵastyryp keledi. Osy maqsatta áýejaıda aýtızm spektrinde ereksheligi bar balalarǵa arnalǵan arnaıy tanym lentalary qarastyrylǵan.
Bul bastama áýejaı jumyskerlerine qosymsha nazar men qoldaýdy qajet etýi múmkin jolaýshylardy der kezinde baıqap, ushý aldyndaǵy rásimder kezinde barynsha túsinistikpen qyzmet kórsetýge múmkindik beredi.
— Arnaıy lenta arqyly jumyskerler balanyń jeke erekshelikterin eskerip, tirkeý, tekserýden ótý, reısti kútý jáne otyrǵyzý barysynda qolaıly jaǵdaı jasaýǵa tyrysady. Bul balalar men olardyń ata-analary úshin sapardy anaǵurlym tynysh ári jaıly ótkizýge kómektesedi, — delingen habarlamada.
Arnaıy lentany ata-analar nemese birge júretin tulǵalar tirkeý aımaǵynda áýejaı qyzmetkerlerinen ne áýe kompanııasy ókilderinen surata alady.
Budan buryn Oljas Bektenov aýtızmge shaldyqqan balalardyń kóbeıý sebebin atady.
