Astana áýejaıy aýmaǵynda jol jóndeý jumystary bastaldy
ASTANA. KAZINFORM — 21 mamyrdan bastap elorda áýejaıynyń vokzal mańy men kireberis jolynda jol jóndeý jumystary júrgiziledi.
Jóndeý aıasynda asfalt jabyny jańartylyp, birqatar ýchaskede ýaqytsha shekteý engiziledi.
Osyǵan baılanysty áýejaı aýmaǵyndaǵy kólik qozǵalysynyń syzbasy ýaqytsha ózgerýi múmkin. Sondaı-aq qoǵamdyq kólik pen taksı baǵyty da ózgeredi.
Áýejaı ákimshiligi jolaýshylardan saparlaryn aldyn ala josparlap, áýejaıǵa erterek kelýdi eskertedi.
— Ýaqytsha qolaısyzdyqtarǵa túsinistik tanytqandaryńyz úshin raqmet, — delingen habarlamada.
Aıta ketelik Kólik mınıstri Nurlan Saýranbaev Úkimette ótken brıfıngte Astananyń ekinshi áýejaıyn salýǵa qaı aýdan qarastyrylyp jatqanyn aıtqan edi.
