Astana áýejaıy 8,3 mıllıonynshy jolaýshyny qarsy aldy
ASTANA. KAZINFORM – Búgin Astana halyqaralyq áýejaıy óziniń 8,3 mıllıonynshy jolaýshysyna qyzmet kórsetti. Bul – 2024 jylǵy rekordtyq kórsetkish, Astana áýejaıy úshin de tarıhı oqıǵa.
Áýejaıdyń baspasóz qyzmeti habarlaǵandaı, 8,3 mıllıonynshy jolaýshysy LO195 reısimen Varshava-Astana baǵytymen ushyp keldi.
– Astana halyqaralyq áýejaıy jyldan-jylǵa álemdik avıatsııalyq qoǵamdastyqta óz mańyzdylyǵyn dáleldep kele jatyr. 2024 jyly bizdiń áýejaıdan Seýl, Goa, Fýkýok, Phýket, Abý-Dabı, Sıanýkvıll, Mılan, Praga jáne Mıneraldy Sýlarǵa turaqty reıster ashylyp, jańartyldy. Ótken jyly biz 7,5 mıllıon jolaýshyǵa qyzmet kórsetsek, bıyl jolaýshylar aǵynynyń ósimi 10% qurap, 8,3 mıllıonǵa jetti, – dedi Astana halyqaralyq áýejaıynyń basqarma tóraǵasy ıÝsýf Aljavder.
Astana áýejaıynan orta eseppen 200-den astam reıs ushyrylady. Bul Qazaqstannyń bas qalasyna týrıstik jáne iskerlik baǵyt retinde qyzyǵýshylyqtyń artyp kele jatqanyn kórsetedi.
Aıta keteıik, búgin 60 myń jolaýshy jańa jyldy poıyzda qarsy aldy.