Astana aýdandarynyń 12 aýmaǵyna sý basý qaýpi tónip tur - Elorda ákimdigi
ASTANA. QazAqparat - Astana qalasynda nóser jaýyn saldarynan 12 aýmaqty sý basý qaýpi tóndi. Búgingi tańda qalanyń kommýnaldyq qyzmetteri kúsheıtilgen rejımde jumys atqarýda.
Bul týraly Astana qalasy ákimdiginiń resmı saıty habarlady.
Astana qalasynyń Kommýnaldyq sharýashylyq basqarmasy ınfraqurylym bóliminiń jetekshisi Jasulan Baıjanovtyń habarlaýynsha, sý basý qaýpi tóngen 12 aýmaq: «Esil» aýdany boıynsha sý basqan aýmaqtar - Turan dańǵyly boıyndaǵy №23, 27 kóshelerdiń qıylysynda, Dostyq kóshesinde Orynbor jáne Qonaev kósheleriniń qıylysynda; «Almaty» aýdany boıynsha - Sharl de Goll, Gastello kóshelerinde, Momyshuly dańǵylynda, Abaı dańǵylynda («Ramada» qonaq úıi aýdany), Pýshkın kóshesinde (Ýnıversıtet aýmaǵy), Imanov jáne Ǵabdýllın kósheleriniń qıylysynda, Ýálıhanov kóshesinde, Kravtsov kóshesiniń qıylysynda; «Saryarqa» aýdany boıynsha - 188-kóshede, kópqabatty memlekettik baǵdarlama boıynsha salynǵan turǵyn úıler aýmaǵynda ornalasqan.
«Almaty» aýdanynda - 1 úı, «Saryarqa» aýdanynda - 27 úıdi sý basqan. «Kókseńgir kóshesi, 29» mekenjaıy boıynsha ornalasqan jekemenshik úıden eki adam «Jiger» qonaq úıine kóshirildi.
Eske sala keteıik, Qazgıdromettiń málimetinshe, elordada 38,5 mm jaýyn jaýǵan. «Astana Tazalyq» JShS 16 mamyrda 6469 m3, 17 mamyrda 8409 m3 sý sordy.
