Astana aýasy lastanǵan qalalardyń kóshin bastady
Bul joly reıtıng basynda Astana qalasy tur. 27 qyrkúıek pen 3 qazan aralyǵynda alynǵan aýa synmalary osyndaı málimet kórsetken.
Atalǵan aralyqta qala aýmaǵynda aýadaǵy kontsentratsııalardyń shekten asýy 1318 ret tirkelgen. «Qazgıdromet» mamandary ásirese Dýlat Bataıuly kóshesiniń aýdanynda aýanyń sapasy óte nashar ekenin anyqtap otyr.
Atalǵan kezeńde aýanyń lastyǵy boıynsha alǵashqy úshtikke Qaraǵandy men Almaty qalalary kirdi.
«Qaraǵandy qalasynda shekti ruqsat etilgen normalardan asyp ketýdiń 521 jaǵdaıy tirkeldi. Aýa eń lastanǵan jer – №8 LBP aýdany (Prıshahtınsk shaǵyn aýdany, 3-shi Kochegarka kóshesi, 28).
Almaty qalasynda aýadaǵy kontsentratsııalardyń ruqsat etiligen shekten asyp ketken 123 jaǵdaıy tirkeldi.
Astana qalasynda shekti jol beriletin normalardan asyp ketýdiń 1318 jaǵdaıy tirkeldi. Aýa D.Babataıuly kóshesi aýdanynda lastanǵan», - dep jazylǵan aptalyq anyqtamada. https://www.kazhydromet.kz/post/1882
Al Shymkent pen Aqtóbe aýasy salystyrmaly túrde eń taza qalalar bolyp tirkeldi. Ótken aptada bul eki qalada aýadaǵy kontsentratsııalardyń shekten asýy múlde tirkelmegen.
